ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

പോസ്റ്റുകള്‍

Featured Post

പ്രകൃതിയിലെ വിരുതന്‍ പെരുന്തച്ചന്‍

അനിമൽ എഞ്ചിനിയർ-- ബീവെർസ് കണ്ടാല്‍എലിയപോലെഎങ്കിലോ ,കഴിവിൽ  മികച്ചവൻ  ആരാണിവന്‍ എന്നല്ലേ യിപ്പോൾ ചിന്തിക്കുന്നത് ?എങ്കിൽ  സംശയം വേണ്ട ഇവന്‍ തന്നെ  കരണ്ട്തി ന്നു ജീവിക്കുന്ന ജീവികളില്‍ ഏറ്റവും വലിയവന്‍ ,മിടുക്കൻ, ബുദ്ധി ശാലി വടക്കേ   അമേരിക്കയിലെ ബീവറുകള്‍ (beaver).- പ്രകൃതിയിലെ മൃഗ എന്‍ജിനീയര്‍ കാനഡയുടെ ദേശീയ മൃഗം. ആള് ചില്ലറ കാരനൊന്നുമല്ല  എന്നിപ്പോൾ തോന്നുന്നില്ലേ  ? പുഴകളിൽ ,അണകെട്ടി അതില്‍   സുഖമായി കഴിയാൻവീടുണ്ടാക്കി ജീവിക്കുന്ന ഒരുതരം നീർനായ അല്ലെങ്കിൽ ജലത്തിൽ ജീവിക്കുന്ന അണ്ണാനെ പോലെ തോന്നിപ്പിക്കുന്ന   ബീവറുക ൾ  .ആണ്‍ പെണ്‍ ബീവറുകൾ   ക്കണ്ട് മുട്ടി   സ ഖ്യത സ്ഥാപിച്ചു കഴിഞ്ഞാല്‍ പിന്നെ അവര്‍ വീടുണ്ടാക്കേണ്ട  ചിന്തയിലേക്ക് കടക്കും അതിനു മുന്നോടിയായി  മ രത്തടികളും  മണ്ണും ചുള്ളിക്കമ്പുകളും ശേഖ രിക്കാനുള്ള ശ്രമം  തുടങ്ങും  ..സ്വയം അണക്കെട്ടുണ്ടാക്കിയതിനു ശേഷം അതില്‍ വീടു പണിയുന്ന ജീവി വിഭാഗമാണ് ബീവറുകള്‍ . അണക്കെട്ട് പണിയുമ്പോള്‍ വെള്ളത്തിന്റെ നിരപ്പ് ഉയര്‍ന്ന് ഒഴുക്കുകുറഞ്ഞ ഭാഗം തിരഞ...
ഈയിടെയുള്ള പോസ്റ്റുകൾ

ജോണിയന്റെ മിടുക്കിപ്പൂച്ച!

  ജോണി യന്റെ പൂച്ചക്കുട്ടി എന്തും വിരൽത്തുമ്പിൽനിന്ന് അക്ഷരങ്ങളായി എന്നിലൂടെ മറ്റുള്ളവരിലേക്ക് എത്തുമെന്ന് ഈ പാവപ്പെട്ട ആതുരസേവകയ്ക്ക് (നഴ്‌സിന്) അറിയില്ലെന്ന് തോന്നുന്നു. അവൾക്ക് വീണുകിട്ടിയ അല്പസമയത്തിനുള്ളിൽപ്പോലും തന്റെ സുന്ദരിക്കുട്ടിയെക്കുറിച്ച് പറയാൻ വിശേഷങ്ങൾ ഏറെയുണ്ടായിരുന്നു. എന്റെ മനസ്സിലെ നോവുകളെല്ലാം അകറ്റി, അവളുടെ വർണനകൾ ഞാൻ സാകൂതം കേട്ടിരുന്നു. അവളുടെ സുന്ദരിക്കുട്ടി ടോയ്‌ലറ്റിൽ കയറി അപ്പിയിടുന്ന കാര്യം കൂടി കേട്ടപ്പോൾ മനസ്സിൽ അല്പം ഈർഷ്യ തോന്നിയെങ്കിലും അതും ഞാൻ സഹിച്ചുകൊണ്ട് കേട്ടിരുന്നു. പോരാത്തതിന്, ആ അപ്പിയിടലിന്റെ ഫോട്ടോ കൂടി കാണിച്ചുതന്നപ്പോൾ അറിയാതെ പൊട്ടിച്ചിരിച്ചുപോയി! എന്തായാലും, വളരെ അനുസരണയോടെ തിരിഞ്ഞിരുന്ന് വൃത്തിയായി അപ്പിയിടുന്ന ജോയന്റെ പൂച്ചക്കുട്ടി ഒരു ഒന്നൊന്നര സുന്ദരിക്കുട്ടി തന്നെ

പ്രകൃതിയുടെ ഹൃദയത്തുടിപ്പുകൾ

  കാലചക്രം ശിശിരത്തിന്റെ കണക്കുകൾ തീർത്തു മടങ്ങിപ്പോകുന്നതുപോലെ, മഞ്ഞുകാലത്തെ ഓടിച്ചകറ്റി വസന്തം ഒരു കൊച്ചു കുസൃതിയോടെ എത്തി. മഴ വൃക്ഷങ്ങളെ കുളിരണിയിച്ച് ഇലകൾക്കും പൂക്കൾക്കും സ്വാഗതമരുളി. വൃക്ഷം മുഴുവൻ പൂക്കളാൽ നിറഞ്ഞു അവയെ കണ്ടപ്പോൾ എന്റെ മനസ്സും കുളിർന്നു. പൂക്കളിലെ മധു നീണ്ട കൊക്കുകളമർത്തി നുകരാനും അവയോടു പരിഭവം പറയാനുമായി, മരപ്പൊത്തുകളിൽ അവിടവിടെയായി ഒളിച്ചിരുന്ന ഓലവാലൻ കിളികളും സ്നേഹക്കിളികളും തുത്തുക്കുൽക്കി കിളികളും പരദേശിക്കിളികളും ഉന്മേഷത്തോടെ പറന്നുവന്നു. അവ ഓരോന്നും മരക്കൊമ്പുകളിൽ തങ്ങളുടെ ഇടം കണ്ടെത്തി, പൂക്കളുടെയും ഇലകളുടെയും ഇടയിൽ തിരക്കോടെ സഞ്ചരിച്ചു. അവരോടു കിന്നാരം പറഞ്ഞുകൊണ്ട് ഒന്ന് പുറത്തിറങ്ങാനും ആ കുഞ്ഞുവെയിൽ നാളം ഏറ്റുവാങ്ങാനും എനിക്കും തിടുക്കമാകും. ഞാൻ എന്നും എന്റെ കിടപ്പുമുറിയോടു ചേർന്നുള്ള ജനലിലൂടെ പുറത്തേക്കു നോക്കും. എന്റെ വീടിനോടു തൊട്ടടുത്തായി ഒരു വലിയ വടവൃക്ഷം നിൽക്കുന്നുണ്ട്; വളഞ്ഞുപുളഞ്ഞു നീളുന്ന ശിഖരങ്ങളുള്ള ഒരു വടവൃക്ഷം. അവൾ എന്റെ കൂട്ടുകാരിയാണ്. അവളോട് ഞാൻ എന്റെ കഥകൾ പങ്കുവെക്കാറുണ്ട്. ചിലപ്പോഴൊക്കെ എല്ലാം മനസ്സിലാക്കിയെന്ന മട്ടിൽ അവൾ തലയാട്ടി ഒ...

സ്നേഹ വായ്യ്പ്

ദേവൂമ്മേ... എന്താ ഇവിടെ ഒറ്റയ്ക്ക് ഇരിക്കുന്നത്? എല്ലാവരും അവിടെ ഭക്ഷണം കഴിക്കുകയാണ്. നിങ്ങളെന്താ പോയില്ലേ? വരൂ... ബെല്ലടിച്ചത് കേട്ടില്ലേ?” വൃദ്ധസദനത്തിലെ സഹായി പെൺകുട്ടിയുടെ ചോദ്യം ദേവുവിനെ ഓർമകളുടെ ലോകത്തുനിന്ന് തട്ടിയുണർത്തി. “ഇന്ന് എനിക്ക് അത്ര വിശപ്പില്ല മോളേ...” അവൾ ഒഴിഞ്ഞുമാറാൻ ശ്രമിച്ചു. “അത് പറ്റില്ല. ദേവൂമ്മ വന്നേ മതിയാകൂ. മരുന്ന് കഴിക്കുമ്പോൾ ഭക്ഷണം വയറ്റിൽ ചെല്ലേണ്ടതല്ലേ?” “ശരിയാണ് മോളേ. പക്ഷേ ഇന്ന് എനിക്കൊന്നിനും ഒരു താൽപ്പര്യവുമില്ല. മോൾ പൊയ്ക്കോ, അമ്മ വന്നോളാം.” “അത് പറ്റില്ല.” അവൾ ദേവുവിന്റെ കൈപിടിച്ച് നിർബന്ധപൂർവം ഭക്ഷണമുറിയിലേക്ക് കൂട്ടിക്കൊണ്ടുപോയി. ഭക്ഷണമേശയ്ക്കരികിലെ ബെഞ്ചിൽ പിടിച്ചിരുത്തുകയും ചെയ്തു. ഇനി എന്തു പറഞ്ഞാലും അവൾ വിട്ടുകൊടുക്കില്ലെന്ന് ദേവുവിന് അറിയാമായിരുന്നു. എല്ലാവരും ഭക്ഷണം കഴിച്ചു പകുതിയായിരുന്നു. ഇന്ന് ചപ്പാത്തിയാണ്. വേണ്ടവർക്ക് ചപ്പാത്തി നൽകുന്നതാണ് അവിടുത്തെ പതിവ്. ദേവുവിന് അത്ര ഇഷ്ടമുള്ള ഭക്ഷണമല്ല ചപ്പാത്തി. എങ്കിലും ഒരെണ്ണമെടുത്ത് കറിയിൽ മുക്കി ഒരുകഷണം കടിച്ചു. കണ്ണിൽനിന്ന് ഉതിർന്നുവീണ കണ്ണുനീർത്തുള്ളികൾ അതിനെ നനച്ചുവോ? ഒരു കഷണം പോലും തൊണ്ടയി...

Autumn Whispers in Every Petal

Maple Leaf Flowers Nature's Beauty, Recreated by Hand “Look at me, friends! I may not be a real flower, but I have something special to offer you!” Everybody loves flowers. They are nature's own artwork, bringing beauty, warmth, and happiness into our lives. Have you ever wondered why we love decorating our homes with flowers? Their beauty has a powerful emotional impact . They bring comfort, lift our spirits, and brighten our surroundings. Fresh flowers are beautiful, but they are not always available or convenient to keep at home. That is why we often turn to artificial flowers to recreate the same charm and beauty. Nature's wonderful creations bring joy and peace to countless people. Flowers can cheer up someone who is unwell, brighten a dull day, and fill our hearts and homes with happiness. We have seen so many creative ways of making flowers from paper and fabric. But have you ever imagined making flowers using real leaves? Perhaps not! Here is a lovely and enjoyable...

കാലം കാത്തുവെച്ച ചരിത്രസ്മൃതി

  ചരിത്രം ഉറങ്ങുന്ന വഴിയിലൂടെ... സർവകലാശാലയിൽ ഐച്ഛിക വിഷയമായി ചരിത്രം തിരഞ്ഞെടുത്തപ്പോഴും, അന്നത്തെ മഹാന്മാരെക്കുറിച്ച് പഠിച്ചപ്പോഴും, അവർ വളർന്ന നാടും പ്രവർത്തനമേഖലകളും ഒരുനാൾ നേരിൽ കാണാൻ കഴിയുമെന്ന് അന്നൊരിക്കലും ഞാൻ സങ്കൽപ്പിച്ചിരുന്നില്ല. അവരെക്കുറിച്ച് കൂടുതൽ അറിയാനും അവർ ജീവിച്ച സാഹചര്യങ്ങളിലൂടെ മനസ്സുകൊണ്ടെങ്കിലും ഒന്നു സഞ്ചരിക്കാനും എന്നും ഒരു മോഹമുണ്ടായിരുന്നു. അമേരിക്കയിൽ വന്നുചേർന്ന നാൾ മുതൽ എന്റെ മനസ്സിൽ ആദ്യം ഇടംപിടിച്ചിരുന്ന ഒരിടമുണ്ടായിരുന്നു. അവിടേക്കുതന്നെ ആദ്യം പോകണമെന്നൊരു തീരുമാനവും മനസ്സിലുറപ്പിച്ചിരുന്നു. അത്രമേൽ എന്നെ സ്വാധീനിച്ച ഒരു ചരിത്രപുരുഷനായിരുന്നു അബ്രഹാം ലിങ്കൺ. ആ മോഹസാക്ഷാത്കാരത്തിന്റെ നിമിഷത്തിലേക്കുള്ള യാത്രയായിരുന്നു പിന്നീട്  അമേരിക്കയുടെ തിനാറാമത്തെ പ്രസിഡന്റായിരുന്ന അബ്രഹാം ലിങ്കൺ . 1809 ഫെബ്രുവരി 12-ന് കെന്റക്കി സംസ്ഥാനത്തെ ഹാർഡിൻ കൗണ്ടിയിലെ സിങ്കിങ് സ്പ്രിങ് ഫാമിലാണ് അദ്ദേഹം ജനിച്ചത്. ദരിദ്രരായ തോമസ് ലിങ്കണിന്റെയും നാൻസി ഹാങ്ക്സിന്റെയും മകനായി ഒരു സാധാരണ മരക്കുടിലിൽ ജനിച്ച ആ ബാലൻ ഒരുനാൾ അമേരിക്കയുടെ ചരിത്രത്തിലെ ഏറ്റവും മഹാന്മാരായ പ്രസി...

ഒരു ഞെട്ടിയുണരലിന്റെ വേദന

സ്വപ്നങ്ങൾക്കപ്പുറം ഒരു വേദന നിദ്ര എന്നെ അൽപ്പനേരത്തേക്ക് ഞാനറിയാത്ത ഏതോ ഒരു ലോകത്തേക്ക് കൂട്ടിക്കൊണ്ടുപോയി. അവിടെ ഞാനും എന്റെ സ്വപ്നങ്ങളും ഉയർന്നുപൊങ്ങി, തെന്നിപ്പറന്നു. എന്നാൽ, ഒരുനിമിഷംകൊണ്ട് അവൾ എന്നെ യാതൊരു ദാക്ഷിണ്യവുമില്ലാതെ എന്റെ യാഥാർത്ഥ്യലോകത്തേക്ക് വലിച്ചെറിഞ്ഞു. "അരുതേ... ചെയ്യരുതേ..." എന്ന് പലതവണ യാചിക്കാനൊരുങ്ങിയ എന്റെ വാക്കുകൾ തൊണ്ടയിൽ കുരുങ്ങിപ്പോയി. എങ്കിലും, ആ വാക്കുകൾ അശരീരിയായി അവന്റെ ചെവികളിലെങ്കിലും പതിക്കണമേയെന്ന് ഞാൻ വൃഥാ മോഹിച്ചു. ആ ബലിഷ്ഠമായ കൈകളിലേക്ക് ഞാൻ ചെന്നെത്തിയിരുന്നെങ്കിൽ എന്ന് മനമുരുകി പ്രാർത്ഥിച്ചു. പക്ഷേ, ആ ഏറിന്റെ ആഘാതത്തിൽ ഞാൻ ഞെട്ടിയുണർന്നു. അപ്പോഴേക്കും ഈ രാവും പകലും എനിക്ക് അന്യമായിക്കഴിഞ്ഞിരുന്നു. അവനും ഇനി ഞാനറിയാത്ത ഏതോ ലോകത്തിലായിരിക്കുമോ? ഇല്ല... അങ്ങനെ ആവാൻ വഴിയില്ല. കാരണം, ഇപ്പോഴെങ്കിലും അവനറിയാം, ഞാനില്ലാത്ത ഒരു ലോകം ഇനി അവനുണ്ടാവില്ലെന്ന്. അതെനിക്കുറപ്പാണ്!

മണ്ണറിഞ്ഞ മനം

സായിപ്പിന്റെ പച്ചക്കറിത്തോട്ടം അടുത്ത വീട്ടിലെ സായിപ്പിന്റെ പച്ചക്കറിത്തോട്ടം എന്നെ ഒരുപാട് കാലമായി വല്ലാതെ ആകർഷിച്ചുകൊണ്ടിരിക്കുന്നു. ആ തോട്ടം പൂവിടുന്നതും, കായ്ക്കുന്നതും, ഇലകൾ വാടി കരിഞ്ഞുപോകുന്നതും വരെ എനിക്കറിയാം. കാരണം, മണ്ണിന്റെ മണം എനിക്ക് എന്നും ഒരു ദൗർബല്യമാണ്; പൂക്കളുടെ ഭംഗിയാകട്ടെ മനസ്സിനെ കുട്ടിക്കാലത്തേക്കു കൂട്ടിക്കൊണ്ടുപോകുന്ന ഒരു മായാജാലവും. കുഞ്ഞുനാളുകളിൽ കൃഷിയുടെ പച്ചപ്പിൽ ഉണരുകയും വിളവിന്റെ സമൃദ്ധിയിൽ ഉറങ്ങുകയും ചെയ്ത ഒരു കുടുംബത്തിലായിരുന്നു എന്റെ വളർച്ച. വയലും പറമ്പും വിത്തും മഴയും വിളവും എല്ലാം ജീവിതത്തിന്റെ സ്വാഭാവിക ഭാഗങ്ങളായിരുന്ന ആ കാലം ഇന്നും എന്റെ ഉള്ളിൽ ജീവനോടെയുണ്ട്. അതൊന്നും ഈ സായിപ്പിനറിയില്ല. അതുകൊണ്ടാവണം, തണുപ്പിന്റെ വിറയിപ്പായാലും വേനലിന്റെ കാഠിന്യമുള്ള ഉച്ചയായാലും, സായിപ്പിന്റെ തോട്ടത്തിലേക്ക് ഒന്നു കണ്ണോടിക്കാതെ എനിക്ക് മനസ്സമാധാനം കിട്ടില്ല. "അമ്മേ, പുറത്തു നല്ല തണുപ്പാണ്..." "ചുട്ടുപൊള്ളുന്ന വെയിലാണ്..." "ഇവിടെ വന്ന് ഇരിക്കൂ..." എന്നൊക്കെ മക്കൾ പറയാറുണ്ട്. ആര് കേൾക്കുന്നു! സത്യത്തിൽ, ഞാൻ പറഞ്ഞാൽ ഇവർ കേൾക്കാറുണ്ടായിരു...